ກອງປະຊຸມປະເມີນຜົນການຈັດຕັ້ງປະຕິບັດບັນດາກິດຈະກໍາທີ່ນໍາໃຊ້ງົບປະມານ

ຮ່ວງ​ສົ່ງ​ເສີມວິຊາ​ການ(ພາກ13) ປະ​ຈໍາ​ສົກຮຽນ: 2015-2016 ໃນຄັ້ງວັນທີ 18-19 ຕຸລາ 2016

 

ກອງປະຊຸມໄດ້​ຈັດ​ຂຶ້ນຢ່າງ​ເປັນ​ທາງ​ການ​ໃນ​ເວລາ 8:30 ຂອງ​ວັນ​ທີ 18 ຕຸລາ 2016 ທີ່: ຫ້ອງ​ປະຊຸມ​ໃຫຍ່ ພະ  ​ແນ​ກສຶກສາ​ທິການ ​ແລະ ກິລາ​ແຂວງ​ຄໍາ​ມ່ວນ. ພາຍ​ໃຕ້​ການ​ເປັນ​ປະທານ​ຂອງ​ທ່ານ ນັນ​ຕະ​ໄຊ ອິນ​ທະ​ສອນ ຮອງ​ຫົວໜ້າ ພະ​ແນ​ກສຶກສາ​ທິການ ​ແລະ ກິລາ​ແຂວງ. ​ເຊິ່ງມີ​ຜູ່​ແທນ​ເຂົ້າ​ຮ່ວມ​ໃນ​ກອງ​ປະຊຸມ​ຄັ້ງ​ນີ້ມີ​ບັນດາ​ທ່ານ ຫົວໜ້າ​ຂະ​ແໜງ, ຫົວໜ້າ​ສູນ​ອ້ອມ​ຂ້າງ​ພະ​ແນ​ກ, ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ, ຫົວໜ້າ​ໜ່ວຍ​ງານ​ສະຖິຕິ-​ແຜນການ, ການ​ເງິນ​ທັງ 10 ​ເມືອງ, ຜູ່​ອໍານວຍ​ການ​ໂຮງຮຽນອ້ອມ​ຂ້າງ ​ແລະ ພະນັກງານ​ວິຊາ​ການ​ເຂົ້າ​ຮ່ວມ​ທັງ​ໝົດ 68 ທ່ານ, ຍິງ 13 ທ່ານ.

 

 ​I. ຈຸດປະສົງ:

ເພື່ອປະ​ເມີນ​ຜົນ​ການຈັດ​ຕັ້ງ​ປະຕິບັດ​ບັນດາ​ກິດຈະ​ກໍາ​ທີ່​ນໍາ​ໃຊ້​ງົບປະມານ​ຮ່ວງ​ສົ່ງ​ເສີມ​ວິຊາ​ການ( ພາກ13 )ປະ​ຈໍາ​ສົກຮຽນ: 2015-2016 ບັນດາ​ແຂກ​ກອງ​ປະຊຸມ​ໄດ້​ແລກປ່ຽນບົດຮຽນ​ເຊິ່ງກັນ ​ແລະ ກັນ​ເພື່ອ​ເປັນ​ເງື່ອນ​ໄຂ​ໃນ​ການ​ປັບປຸງ ​ແລະ ຈັດ​ຕັ້ງ​ປະຕິບັດ ​ໃນ​ສົກຮຽນ 2016-2017.

II. ​ເນື້ອ​ໃນ

ໃນ​ວາລະ​ກອງ​ປະຊຸມ ທ່ານ​ ນັນ​ຕະ​ໄຊ ອິນ​ທະ​ສອນ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ​ໃນ​ນາມ​ປະທານ​ກອງ​ປະຊຸມ​ໄດ້​ກ່າວ​ຕ້ອນຮັບ​ແຂກ​ຢ່າງ​ອົບ​ອຸ່ນ ​ແລະ ​ເປີດ​ພິທີ​ຢ່າງ​ເປັນ​ທາງ​ການ. ພາຍຫຼັງທ່ານ​ປະທານ​ໄດ້​ມີ​ຄໍາ​ເຫັນ​ຊີ້ນໍາ ​ແລະ ກ່າວ​ເປີດ​ກອງ​ປະຊຸມ​ຢ່າງ​ເປັນ​ທາງ​ການ​ແລ້ວ, ກອງ​ປະຊຸມ​ໄດ້​ຮັບ​ຟັງ​ການສະ​ເໜີ​ເນື້ອ​ໃນ​ເອກະສານ​ດັ່ງນີ້:

  1. ຄູ່​ມື​ການ​ແນະ​ນໍາ​ກ່ຽວກັບ​ການ​ຮ່າງ​ເອກະສານ​ທາງ​ການ ( ສະບັບ​ປັບປຸງ ), ປີ 2016
  2. ກົດໝາຍ​ວ່າ​ດ້ວຍ​ການ​ສຶກສາ ( ສະບັບ​ປັບປຸງ ), ​ເມສາ 2016
  3. ສະ​ເໜີ​ຜົນ​ກາ​ນາ​ປະ​ເມີນ​ການ​ຈັດ​ກິດຈະ​ກໍາ​ຂອງ​ການ​ນໍາ​ໃຊ້​ຮ່ວງ​ເງິນ​ວິຊາ​ການ( ພາກ 13 ) ຂອງ​ແຕ່​ລະ​ພາກສ່ວນ
  4. ຜູ່​ແທນ​ກອງ​ປະຊຸມ​ປະກອບ​ຄໍາ​ເຫັນ


 

III.  ຄໍາ​ເຫັນ​ຊີ້ນໍາ​ຂອງ​ປະທານ

  1. ໃຫ້​ແຕ່​ລະ​ພາກສ່ວນ​ນໍາ​ເອົາ​ຄູ່​ມື​ກາ​ນາ​ຮ່າງ​ເອກະສານ​ທາງ​ການ​ໄປ​ແນະ​ນໍາ​ໃຫ້​ວິຊາ​ການຈັດ​ຕັ້ງ​ປະຕິບັດ​ໃຫ້​ເຂົ້າ​ໃຈ​ເລິກ​ເຊິ່ງ
  2. ​ໃຫ້ບັນດາ​ຫ້ອງການ​ສຶກສາ​ທິການ ​ແລະ ກິລາ​ເມືອງລວບ​ລວມບັນດາ​ກົດໝາຍ ​ແລະ ດໍາລັດ​ຕ່າງໆຂອງ​ຂະ​ແໜງ​ການ​ສຶກສາ​ແລ້ວ​ຈັດ​ຕັ້ງ​ເຜີຍ​ແຜ່​ໃຫ້​ແຕ່​ລະ​ພາກສ່ວນ​ຮັບ​ຮູ້
  3. ​ໃຫ້​ແຕ່​ລະ​ພາກສ່ວນ​ນໍາ​ເອົາ​ເນື້ອ​ໃນ​ທີ່​ຄັດ​ຈາກ​ກົດໝາຍ​ສຶກສາ ( ສະບັບ​ປັບປຸງ )​ໂດຍ​ສະ​ເພາະ​ສິດ, ໜ້າ​ທີ່, ພັນທະ ​ແລະ ຂໍ້​ຫ້າມ ສໍາລັບ​ຜູ່​ຮຽນ, ຄູ ບຸກຄາ​ລາກ​ອນສຶກສາ, ສະ​ຖາ​ບັນ​ສຶກສາ ​ແລະ ຄອບຄົວ ​ໄປ​ຕິດຕາມ​ຫ້ອງການ, ​ໂຮງຮຽນ​ເພື່ອ​ໃຫ້​ບຸກຄົນ​ທີ່​ກ່ຽວຂ້ອງ​ຮັບ​ຮູ້​ຢ່າງ​ກວ້າງຂວາງ
  4. ​ໃນ​ສົກປີ 2016-2017 ​ໃຫ້​ແຕ່​ລະ​ພາກສ່ວນ​ນໍາ​ໃຊ້​ເງິນ​ຮ່ວງ​ສົ່ງ​ເສີມ​ວິຊາ​ການ​ໃຫ້​ຖຶກຕ້ອງຕາ​ມ​ແຜນ​ກິດຈະ​ກໍາ​ທີ່​ວາງ​ໄວ້, ມີ​ການ​ຕິດຕາມ, ກວດກາ ​ແລະ ປະ​ເມີນ​ຜົນ​ຢ່າງ​ລະອຽດ​ເພື່ອ​ໃຫ້​ເກີດ​ປະ​ໂຫຍ​ດສູງ​ສຸດ
  5. ຈໍານວນ​ເງິນ​ມີ​ຈໍາກັດ, ການ​ຕອບ​ສະໜອງ​ກໍ​ບໍ່​ທ່ວງທັນ​ກັບ​ເວລາ, ສະ​ນັ້ນຄວນ​ໄດ້​ມີ​ການ​ວິ​ເຄາະ​ວິ​ໄຈ​ພໍ​ສົມຄວນ​ໃນ​ການວາງ​ແຜນ​ເພື່ອ​ໃຫ້​ບັນຫາ​ທີ່​ເປັນ​ບຸລິມະສິດ​ໄດ້​ຮັບ​ການ​ແກ້​ໄຂ
  6. ການ​ຄຸ້ມ​ຄອງ ​ແລະ ການ​ນໍາ​ໃຊ້​ງົບປະມານ ຕ້ອງ​ໄດ້​ຜ່ານ​ການ​ກວດກາ​ເປັນ​ປົກກະຕິ​ເພື່ອ​ຮັບປະກັນ​ຄວາມ​ໂປ່​ງ​ໃສ, ປະ​ເມີນ​ຜົນ​ກິດຈະ​ກໍາ​ທີ່​ໄດ້​ເຝິກອົບຮົມ​ເພື່ືອຮັບປະກັນ​ຄວາມ​ຍືນ​ຍົງ​ຂອງ​ກິດຈະ​ກໍາ

 

ກອງ​ປະຊຸມ​ດັ່ງກ່າວ​ດໍາ​ເນີນ​ເປັນ​ເວລາ 1 ວັນ​ເຄິ່ງ ​ແລະ ສິ້ນສຸດ​ລົງ​ໃນ​ເວລາ 11:30 ຕອນ​ເຊົ້າທຂອງ​ວັນ​ທີ19 ຕຸລາ 2016

 

 

 

ພະແນກສຶກສາທິການ ແລະ ກິລາ ແຂວງຄຳມ່ວນ,ຄຳມ່ວນ ທ່າແຂກ ສປປລາວ, Tel/Fax: 051 212101 (020 23264006), Email:educationkm@kmes.edu.la 2011 ກອງປະຊຸມປະເມີນຜົນການຈັດຕັ້ງປະຕິບັດບັນດາກິດຈະກໍາທີ່ນໍາໃຊ້ງົບປະມານ.
Powered by Joomla 1.7 Templates designed by webhosting