ສສຂ ຄໍາມ່ວນ ປາຖະກະຖາວັນສໍາຄັນຂອງຊາດ

ໃນຕອນເຊົ້າມື້ນີ້ ວັນທີ 1 ທັນວາ 2016 ພະແນກສຶກສາທິການ ແລະ ກີລາແຂວງຄໍາມ່ວນໄດ້ຈັດຕັ້ງພິທີປາຖະກະຖາກ່ຽວກັບວັນປະຫວັດສາດສຳຄັນຂອງຊາດຂຶ້ນ ໂດຍການໃຫ້ກຽດເປັນປະທານ ແລະ ເຜີຍແຜ່ຂອງ ທ່ານ ນັນຕະໄຊ ອິນທະສອນ ຮອງຫົວໜ້າ ພະແນກສຶກສາທິການ ແລະ ກີລາແຂວງ. ໃນພິທີມີບັນດາຫົວໜ້າຂະ  ແໜງ, ຮອງ ຂະແໜງ, ຫົວໜ້າສູນ, ຜູ່ອໍານວຍການໂຮງຮຽນພາຍໃນເທດສະບານ ແລະ ພະນັກງານວິຊາການພາຍໃນພະແນກເຂົ້າຮ່ວມຢ່າງພ້ອມພຽງ.

 

 ການປາຖະກະຖາໃນຄັ້ງ ນີ້ ລວມມີ 2 ເອກະສານຄື: ວັນ ຊາດທີ 2 ທັນວາ ຄົບຮອບ 41 ປີ (2/12/1975-2/12/2016), ວັນເກີດຂອງປະທານ ໄກສອນ ພົມວິຫານ ຄົບຮອບ 96 ປີ (13/12/1920-13/12/2016).  
    


       ທ່ານ ນັນຕະໄຊ ອິນທະສອນ ໄດ້ຍົກໃຫ້ເຫັນຄວາມໝາຍຄວາມສໍາຄັນຂອງ ວັນຊາດທີ 2 ທັນວາ, ຜົນສໍາເລັດໃນການປົກປັກຮັກສາ ແລະ ພັດທະນາປະເທດຊາດ ໃນໄລຍະ 41 ປີຜ່ານມາ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 96 ປີ ທ່ານໄດ້ເລົ່າຄືນຊີວິດ, ການເຄື່ອນໄຫວປະຕິວັດ, ຜົນງານ ແລະ ຄຸນງາມຄວາມ ດີຂອງປະທານ ໄກສອນ ພົມວິຫານ. ເພິ່ນເປັນຜູ້ນຳທີ່ດີເດັ່ນ ແລະ ເປັນທີ່ເຄົາລົບ ຮັກຂອງປະຊາ ຊົນລາວບັນດາເຜົ່າ ຍືນຍົງໃນດວງໃຈຂອງພວກເຮົາຕະຫຼອດກາລະນານ. ພ້ອມນັ້ນຍັງໄດ້ ຮຽກຮ້ອງໃຫ້ສະມາຊິກພັກ- ພະນັກງານ ຈົ່ງຮ່ຳຮຽນເອົາຄຸນສົມບັດ ສິນ ທຳປະຕິວັດ ແລະ ແບບແຜນ ດຳລົງຊີວິດຂອງພວກເພິ່ນ.
      ໃນຕອນທ້າຍພິທີປາຖະກະຖາ ທ່ານ ຍັງໄດ້ຮຽກຮ້ອງໃຫ້ບັນດາ ສະມາຊິກພັກ, ພະນັກງານ- ລັດຖະກອນໃນຂະແໜງການຕ່າງໆພາຍໃນພະແນກຕົນ ຈົ່ງຮ່ຳຮຽນເອົາ ຄຸນສົມບັດສິນທຳ ປະຕິວັດ ແລະ ຄຸນງາມຄວາມດີຂອງປະ ທານ ໄກສອນ ພົມວິຫານ  ພ້ອມທັງ ເສີມຂະຫຍາຍມູນເຊື້ອອັນດີງາມຂອງຊາດ ແລະ ເພີ່ມທະວີຄວາມເປັນເຈົ້າການ, ຍົກສູງ ຄວາມຮັບຜິດຊອບ, ຄວາມ ເປັນແບບຢ່າງນຳໜ້າ ໃນການ ຈັດຕັ້ງປະຕິບັດໜ້າທີ່ວຽກງານ ໂດຍສະເພາະວຽກງານສຶກສາ ຝຶກຝົນຫຼໍ່ຫຼອມຕົນເອງ ໃຫ້ນັບມື້ສູງຂຶ້ນ.

 

ພະແນກສຶກສາທິການ ແລະ ກິລາ ແຂວງຄຳມ່ວນ,ຄຳມ່ວນ ທ່າແຂກ ສປປລາວ, Tel/Fax: 051 212101 (020 23264006), Email:educationkm@kmes.edu.la 2011 ສສຂ ຄໍາມ່ວນ ປາຖະກະຖາວັນສໍາຄັນຂອງຊາດ.
Powered by Joomla 1.7 Templates designed by webhosting